உரமாகிய மரம்!

வடலிப்பனையெல்லாம் வளர்ந்து பெரிதாகி

திடல் அடர்ந்து நெருக்கம் தெரிகிறது - தலைமுறிந்து

போன பனையெல்லாம் போகமுன்னர் தந்தவிதை

கானகத்தில் விளைந்த கதை!

சாகமுன்னம் நல்லவற்றை தந்திட்டம் எனுமகிழ்வில்

தாகம் இன்னும் சரியாக தணியாமல் - போனாலும்

எச்சம் புதுக்கதைகள் எழுதும் எனநினைப்பை

வைத்திருந்தால் எது வலி?

எங்கு தொடங்கினமோ எதில் போய்ச் சேரணுமோ

தங்கிய இடம் வழிய தரவிருக்கு - கம்பெடுத்து

அடித்து பெறமுடியா அவையெல்லாம் நன்றாக

படித்துப் பெறவேணும் பார்.

செத்ததெல்லாம் உரமாகும் செந்நெல் விதைமுளைத்தால்!

பற்றையெண்டா உரத்தின்ரை பயனெ்ன? - விட்டிடடா

குத்து வெட்டு குழிபறிக்கும் சேட்டைகளை

சத்துறிஞ்சி வாழும் தளிர்!

29 01 2010